کراچی ، ڈیفنس وچ مبینہ پُلس مقابلہ، 5 ملزمان گرفتار
کراچی (بیورورپورٹ) ڈیفنس پُلس نے فیز 7 ایکسٹینشن دے نیرے مبینہ مقابلے دے بعد وچ وائٹ کرولا گینگ دے 5 ملزمان نوں گرفتار کر لیا جنہاں وچوں 3 فائرنگ دے تبادلے وچ زخمی ہوئے۔ پُلس موجب ملزمان نے پُلس نوں ویکھدیاں ای فائرنگ شروع کر دتی جہدے تے پُلس ولوں جوابی کارروائی کیتی گئی۔ فائرنگ نال 3 زخمی ملزمان علی اصغر ، واجد تے محمد شبیر نوں گرفتار کیتا گیا جدکہ 2 دیگر ساتھی ماجد سلطان تے ابراہیم نوں وی حراست وچ لے لیا گیا ۔ ترجمان پُلس موجب ملزمان دے قبضے توں اک سفید رنگ دی کرولا کار ، 4 موبائل فون، اک لیپ ٹاپ ، اک نائن ایم ایم پستول تے 2 تیس بور پستولاں برآمد ہوئیاں۔ ابتدائی تفتیش وچ انکشاف ہویا کہ گرفتار ملزمان متعدد وارداتاں وچ ملوث رہے نیں تے کئی مقدمات وچ مفرور وی سن۔ پُلس موجب ملزمان دا سابقہ مجرمانہ ریکارڈ وی تفصیلاں نال چیک کیتا جا رہیا اے۔ زخمی ملزمان نوں طبی امداد لئی ہسپتال منتقل کر دتا گیا اے ، مزید تفتیش شروع کر دتی گئی اے۔
