عائزہ خان کاسمیٹک سرجری دے بعد مائیکل جیکسن قرار
کراچی (بیورورپورٹ)سوشل میڈیا تے صارفین ولوں قیاس آرائیاں کیتیاں جا رہیاں نیں کہ معروف پاکستانی اداکارہ عائزہ خان نے خوبصورتی وچ اضافے لئی کاسمیٹک سرجری کروائی اے۔عائزہ خان آجکل اپنی فیملی تے دوستاں دے نال یورپ وچ سیر و تفریح دی غرض نال موجود نیں۔ اداکارہ نے سماجی رابطے دی فوٹی ویڈیو شیئرنگ پلیٹ فارم انسٹاگرام تے اپنیاں نویاں تصویراں شیئر کیتیاں تے مداحاں نے نوٹس کیتا کہ اوہناں نے کاسمیٹک سرجری کروائی اے۔ مداحاں نے خصوصا والاں دا انداز تے چہرے تے دیگر تبدیلیاں ویکھ کے سوال کیتے تے اندازہ لایا کہ اداکارہ نے کاسمیٹک سرجری کروائی اے۔ ایس حوالے نال عائزہ خان نے اپنے مداحاں نوں تجسس وچ رکھیا ہویا اے تے کوئی جواب نہیں دتا ۔ تصویراں وائرل ہوئیاں تے اک صارف نے لکھیا کہ عائزہ خان تے ہن مائیکل جیکسن لگ رہیاں نیں ۔
