فیصل آباد ، بیوی نے شوہر نوں کلہاڑی دے وار کرکے قتل کر دتا
مکوآنہ (بیورورپورٹ) بیوی نے سُتے ہوئے شوہر نوں کلہاڑی دے وار کرکے قتل کر دتا۔ تفصیلاں موجب فیصل آباد وچ تھانہ ٹھیکریوالہ دے علاقہ 73 ج ب وچ مبینہ طور تے عابدہ پروین نامی خاتون نے کلہاڑی دے وار کرکے سُتے ہوئے شوہر علی اصغر نوں قتل کر دتا ۔ بیوی نے گھریلو جھگڑے تے طیش وچ آکے شوہر نوں قتل کیتا۔ اطلاع ملن تے پُلس حکام جائے وقوعہ تے پہنچ گئے۔ پُلس نے مقتول دی بیوی نوں گرفتار کرلیا۔ پُلس نے لاش نوں قبضہ وچ لے کے پوسٹ مارٹم لئی اسپتال منتقل کر دتا۔ پُلس نے شواہد اکٹھے کرکے قنونی کارروائی شروع کردتی۔
