اشفاق احمد ، بانو قدسیہ نال بڑا قرب رہیا ، اوہناں توں بہت کجھ سِکھیا ‘ عظمی گیلانی
اشفاق احمد ، بانو قدسیہ نال بڑا قرب رہیا ، اوہناں توں بہت کجھ سِکھیا ‘ عظمی گیلانی
لہور (سٹی رپورٹر) سینئر اداکارہ عظمیٰ گیلانی نے کہیا اے کہ میں ٹی وی تے جِنا کم کیتا اے اوہدے توں مطمئن ہون ، ہن وی کدھی کدھی دل وچ ڈرامے وچ کم کرن دی خواہش پیدا ہوندی اے پر بیرون ملک مقیم ہون پاروں ایہ خواہش پوری نہیں ہو سکدی ۔ سینئر اداکارہ عظمیٰ گیلانی نے طویل عرصے بعد کسے ٹی وی شو وچ شرکت کیتی ، اوہناں نے دسیا کہ اوہ گزشتہ چند سالاں توں اپنے بچیاں دے کول آسٹریلیا منتقل ہو چکیاں نیں ۔ سینئر اداکارہ نے کہیا کہ میرا اشفاق احمد تے بانو قدسیہ نال بڑا قرب رہیا اے تے میں اوہناں توں بہت کجھ سِکھیا اے ، اوہ صحیح معناں وچ ساڈے معاشرے دے عکاس سن۔ اوہناں نے انج نج دے لازوال ڈرامے لکھے جنہاں دی گونج اج وی باقی اے۔
