احسن اقبال چائلڈ پروٹیکشن بیورو دے خیر سگالی سفیر مقرر

لہور: اداکار و میزبان اداکار احسن خان نوں چائلڈ پروٹیکشن بیورو دا خیر سگالی سفیر مقرر کر دتا گیا۔ بالاں دے عالمی دیہاڑ دی مناسبت نال چائلڈ پروٹیکشن بیورو لہور وچ مقامی این جی او دی معاونت نال تقریب دا اہتمام کیتا گیا جہدے وچ صوبائی وزیر اطلاعات پنجاب میاں اسلم اقبال سنے اداکار احسن خان تے گلوکار علی ظفر نے وی رلت کیتی جتھے پروہنیاں نے بالاں وچ تحفے ونڈے۔

تقریب وچ احسن خان نوں چائلڈ پروٹیکشن بیورو دا خیر سگالی سفیر مقرر کیتا گیا پر ایس حوالے نال احسن خان نے خطاب کردیاں آکھیا ہمیشہ انج لگیا کہ بالاں لئی کوئی کم نہیں ہو رہیا، خواہش اے کہ بالاں لئی وی کوئی پروگرام منعقد ہون تے ایس ضمن وچ بالاں دی رہنمائی لئی حکومت نوں ٹھوس اقدامات کرنے چاہیدے نیں۔ کیوں جے بالاں دے نال بدسلوکی نوں روکنا بہت ضروری اے۔

دوجے پاسے تقریب وچ موجود علی ظفر نے وی بالاں دے تحفظ دے حوالے نال آکھیا ہر کم نوں کرن لئی اپنے آپ تے یقین ہونا بہت ضروری اے، بالاں دے نال بدسلوکی دے واقعات نوں روکنا وی ویلے دی لوڑ اے۔ اوہناں نے بالاں نوں حفاظت دی تلقین کردیاں ایہ وی آکھیا والدین دے علاوہ کوئی بندہ کول آوے تے رولا پان۔