نیوزی لینڈ نے اپنی نویں ٹی-20 لیگ دا میلہ فی الحال پچھے پا دتا
نیوزی لینڈ نے اپنی نویں ٹی-20 لیگ دا میلہ پچھے پا دتا، ہن 2027-28 وچ شروع ہوئے گی
خبر دے اہم نکتے:
لانچ وچ دیری: نیوزی لینڈ کرکٹ بورڈ نے فیصلہ کیتا اے کہ اوہناں دی نویں ٹی-20 لیگ ہن ایس سیزن دی بجائے 2027-28 دے گرمیاں دے سیزن وچ شروع ہوئے گی، تاکہ لیگ دی تیاری لئی پورا وقت مل سکے۔
کیوں روکی گئی؟: بورڈ دے مطابق NZ20 ناں دی ایہ 6 ٹیموں والی لیگ رواں سال ای شروع ہونی سی، پر انٹرنیشنل کرکٹ دے مصروف شیڈول تے ہور انتظامی رپھڑاں پاروں ایہنوں فی الحال روکنا پیا۔
مصروف شیڈول: حکام دا کہنا اے کہ جنوری تے فروری وچ آسٹریلیا تے سری لنکا دے خلاف ٹیسٹ سیریز کھیڈی جانی اے، جس وجہ توں لیگ لئی وقت کڈنا مشکل ہو گیا سی۔
سپر سمیش جاری رہے گی: جنی دیر تک نویں لیگ نہیں آندی، نیوزی لینڈ دی پرانی “سپر سمیش” لیگ (جیہڑی پچھلے 21 سالاں توں چل رہی اے) اک ہور سیزن لئی جاری رہے گی۔
مقصد: کرکٹ حکام دا کہنا اے کہ ساڈی کوشش اے کہ جدوں وی نویں لیگ شروع ہووے، اوہ پوری دنیا دے معیار دے مطابق تگڑی تے کامیاب ہووے۔
