“کینیڈا وچ اک میاں بیوی دی بھرپور جنسی زندگی نے گوانڈھن دی راتاں دی نیند حرام کر دتی۔”
کینیڈا وچ اک میاں بیوی دے پیار بھرے رولے تے بھرپور جنسی زندگی نے گوانڈھن دی راتاں دی نیند حرام کر دتی، جس توں تنگ آ کے اوہنے اپنے گوانڈھیاں نوں ایسا خط لکھیا کہ انٹرنیٹ اُتے ہاسے دا طوفان آ گیا۔ ‘میل آن لائن’ دے مطابق، ایس خاتون دا تعلق کینیڈا دے شہر یوکون توں اے، جس نے اپنے ٹوئٹر اکاؤنٹ اُتے گوانڈھیاں نوں لکھے گئے خط دی تصویر شیئر کیتی اے۔
خاتون نے اپنی ٹویٹ وچ دسیا کہ اوہدے گوانڈھیاں دا بیڈ اوہدی دیوار دے نال جڑیا ہویا اے، جس کر کے اوہناں دیاں آوازاں خاتون نوں ساری رات جگائی رکھدیاں نیں۔ خط وچ خاتون نے لکھیا: ”تہانوں دوواں نوں تہاڈی بہترین جنسی صحت اُتے مبارک باد ہووے (ایڈنی صحت تہانوں ای مبارک ہووے)۔ پر میں ایس وچ حصے دار نہیں بننا چاہندی تے یقیناً تسیں وی ایہو ای چاہو گے۔ ایس لئی مہربانی کر کے اپنے بیڈ نوں دیوار توں تھوڑا پرھاں (دور) کر لو۔“
خاتون نے خط وچ مزید لکھیا کہ ”ساڈے گھراں دی سانجھی دیوار تہاڈی سوچ توں وی زیادہ پتلی اے تے تہاڈی جنسی صحت اینی چنگی اے کہ میں جدوں وی اپنے کمرے وچ آندی آں، تہاڈے کمرے توں آوازاں آ رہیاں ہوندیاں نیں۔ رب دا واسطہ جے، بیڈ نوں کمرے دی کسے دوجی دیوار نال لا لو۔“ خاتون نے بعد وچ اک ہور ٹویٹ وچ دسیا کہ اوہنے ایس خط دے نال بیئر دی اک بوتل وی تحفے دے طور اُتے گھلی سی، پر اوہدی ایہہ کوشش ناکام رہی۔ اوہنوں امید سی کہ گوانڈھی اوہدی گل من لین گے، پر اگلی رات فیر اوہنوں جاگ کے ای کٹنی پئی۔
