“14 ڈاکٹراں نے رل کے بچے دی پیدائش کرائی: اداکارہ مریم نفیس دا انکشاف۔”
اداکارہ مریم نفیس دا کہنا اے کہ اوہ اپنے بچے نوں ڈھائی سال دی عمر توں بعد ای سکول داخل کروان گیاں، کیونکہ اوہ آپ بہت نکی عمر وچ ای سکول جانا شروع ہو گئیاں سن۔ بچے دی پیدائش توں بعد وزن گھٹ کرن دی وی اوہناں نوں کوئی کاہلی نہیں۔ اوہ کہندیاں نیں کہ اک ماں جدوں بچے نوں ددھ پلاؤنا شروع کردی اے تے اوہدا وزن اپنے آپ گھٹ ہونا شروع ہو جاندا اے، ایس لئی اوہناں دا وزن وی ہولی ہولی گھٹ ہو جائے گا تے اوہناں نوں ایس گل دی کوئی چنتا نہیں۔
‘ڈان نیوز’ دے مطابق اداکارہ نے اک مارننگ شو وچ گل بات کردے ہوئے دسیا کہ برطانیہ وچ بچے دی پیدائش دے ویلے 14 ڈاکٹرز اوہناں دی دیکھ بھال لئی موجود سن۔ وکھو وکھ بیماریاں دے ماہر ڈاکٹر واری واری اوہناں دا تے اوہناں دے بیٹے دا چیک اپ کردے سن، ایس لئی اوہناں نوں اوتھے بچے نوں جنم دین وچ کوئی بوہتی مشکل پیش نہیں آئی۔
