“ملک وِچ اک ہفتے تیکر انٹرنیٹ سروس سست رہن دا امکان”
جے تسیں پاکستان ٹیلی کمیونیکیشن کمپنی لمیٹڈ (پی ٹی سی ایل) دی انٹرنیٹ سروس ورتدے او، تے تہانوں ایہدی رفتار وِچ سستی دا ساہمنا کرنا پے سکدا اے۔ جی ہاں، پورے ملک وِچ پی ٹی سی ایل صارفین لئی انٹرنیٹ سروس سست رہن دا امکان اے۔
کمپنی ولوں جاری کیتے گئے بیان وِچ دسیا گیا اے کہ ایہدی وجہ سب میرین کیبل دی مرمت اے۔ بیان دے مطابق 11 توں 18 مئی تیکر سب میرین کیبل دی مرمت دا کم جاری رہے گا، جس کر کے خاص طور تے شام دے ویلے انٹرنیٹ سروس متاثر ہو سکدی اے۔
بیان وِچ مزید دسیا گیا اے کہ بین الاقوامی کیبل کنسورشیم ولوں سب میرین کیبل نوں ٹھیک کرن لئی کم کیتا جائے گا۔ کمپنی دا کہنا اے کہ کیبل دی مرمت بہت ضروری اے، کیونکہ ایہدے نال انٹرنیٹ دے معیار تے سروس وِچ لمے عرصے لئی بہتری تے مضبوطی آئے گی۔
