“مستونگ: کسٹم گودام وِچ لگی اگ اُتے 22 گھنٹیاں بعد وی قابو نہ پایا جا سکیا، 100 توں ودھ گاڑیاں سڑ گئیاں”
مستونگ: لکپاس دے نیڑے کسٹم دے گودام وِچ لگی اگ اُتے 22 گھنٹیاں بعد وی قابو پاون دیاں کوششاں جاری نیں۔
ڈی سی مستونگ دے مطابق، اگ پچھلے دیہاڑے سویرے 10 بجے لگی سی جیہڑی ہجے تیکر ٹھنڈی نہیں ہو سکی۔ اوہناں نے دسیا کہ 10 توں ودھ فائر بریگیڈ گڈیاں دی مدد نال اگ بجھان دی کوشش کیتی جا رہی اے۔ گودام وِچ ایل پی جی سلینڈر، ایندھن، کیمیکل، سکے میوے، کپڑے تے ٹائر موجود سن۔
ڈی سی مستونگ دا کہنا اے کہ اگ لگن توں بعد ایل پی جی باؤزر تے گیس سلینڈراں دے کئی دھماکے ہوئے، جیہدے نتیجے وِچ 35 بندے جھلس کے زخمی ہو گئے نیں، جنہاں نوں ہسپتال وِچ طبی امداد دتی جا رہی اے۔
اوہناں نے مزید دسیا کہ گودام دی ایس اگ وِچ 100 توں ودھ گاڑیاں سڑ کے سواہ ہو گئیاں نیں، پر اگ دی شدت کجھ گھٹ ہون توں بعد رات ویلے کوئٹہ کراچی شاہراہ نوں ٹریفک لئی کھول دتا گیا اے۔
