شہناز گل تے شبمن گل پین بھرا نیں؟ اداکارہ نے وضاحت کر دتی”
مشہور بھارتی اداکارہ تے گلوکارہ شہناز گل نے بھارتی کرکٹر شبمن گل نال رشتے بارے سوشل میڈیا اُتے چلدیاں خبراں دی وضاحت کر دتی اے۔
شہناز گل نے صاف دسیا اے کہ اسیں دونویں اکو “گل” خاندان توں آں، پر ساڈا آپس وِچ کوئی خونی یا خاندانی رشتہ نہیں۔ شہناز گل نے ایس گل اُتے ہسدے ہوئے آکھیا کہ ہو سکدا اے اسیں دور دے رشتے دار ہوویئے کیونکہ ساڈا پچھوکڑ امرتسر دے اکو علاقے توں اے، پر اسیں پین بھرا نہیں۔ نال ای اوہناں نے شبمن نوں اک بہت چنگا انسان تے قابل کرکٹر وی قرار دتا۔
ایہ افواہواں اوس ویلے اڑیاں جدوں چاہن والیاں نے غور کیتا کہ دونویں پنجاب دے شہر امرتسر توں نیں تے اپنے اپنے کم وِچ بہت مشہور نیں۔ دوجے پاسے رپورٹاں دے مطابق شبمن گل دی صرف اک وڈی پین شاہنیل گل اے جیہڑی اکثر اوہناں دے نال سوشل میڈیا اُتے نظر آؤندی اے۔
یاد رہے کہ شہناز گل نے ’بگ باس سیزن 13‘ توں شہرت لبھی سی تے بعد وِچ کئی ہٹ میوزک ویڈیوز وِچ نظر آئیاں۔ اوہناں نے بالی ووڈ وِچ اپنے کم دا آغاز سلمان خان دی فلم ’کسی کا بھائی کسی کی جان‘ توں کیتا سی۔
