امریکی صدر ڈونلڈ ٹرمپ چین دے دو روزہ سرکاری دورے تے بیجنگ پہنچ گئے
امریکی صدر ڈونلڈ ٹرمپ چین دے دو روزہ سرکاری دورے تے بیجنگ پہنچ گئے نیں۔ بیجنگ پہنچن تے چین دے نائب صدر ہان ژینگ نے اوہناں دا بھرواں استقبال کیتا۔ ایس موقعے تے ایئرپورٹ تے 300 دے قریب چینی نوجوان وی موجود سن جنہاں نے دوہاں ملکاں دے جھنڈے چوک رکھے سن۔
ٹرمپ دے نال اوہناں دے پتر ایرک ٹرمپ، نونہہ لارا ٹرمپ تے مشہور کاروباری شخصیت ایلون مسک وی چین پہنچے نیں۔ صدر ٹرمپ نے روانگی توں پہلاں آکھیا سی کہ اوہ چینی صدر شی جن پنگ نال ایران جنگ بارے تفصیلی گل بات کرن گے تے امریکی منڈیاں لئی رستے کھولن دا کہن گے۔
پاک چائنا انسٹی ٹیوٹ دے چیئرمین مشاہد حسین سید دا کہنا اے کہ ایہہ دورہ بہت اہم اے کیونکہ امریکہ ایران جنگ توں جان چھڑانا چاہندا اے تے اوہدی معاشی حالت وی ٹھیک نہیں۔ چین تے پاکستان پہلاں ای جنگ بندی دی حمایت کر رہے نیں، تے امید اے کہ ایس دورے توں بعد مثبت نتیجے ساہمنے آن گے۔
