“مشرق وسطیٰ دی صورتحال: ایران توں 14 ہزار 100 بندے پاکستان اپڑ گئے”
ایران وچ رہن والے پاکستانیاں دی اپنے دیس واپسی دا سلسلہ 74ویں دیہاڑے وی جاری رہیا۔ حکام دے مطابق، گبد ریمدان بارڈر دے رستے اج اک مزدور پاکستان اپڑیا اے۔ گبد ریمدان بارڈر توں ہن تیکر کل 3،481 بندے پاکستان آ چکے نیں، جدکہ تفتان بارڈر توں ہن تیکر 10،619 بندے پاکستان پہنچے نیں۔28 فروری توں لے کے ہن تیکر گبد ریمدان تے تفتان بارڈر دے ذریعے کل 14،100 لوک وطن واپس آ گئے نیں۔ پاکستان پرتن والیاں وچ سی مین (جہاز ران)، زائرین، مزدور، کاروباری لوک تے طالب علم شامل نیں۔
