“آئی فون ویچن پچھے لڑائی، بندے نے گولی مار کے وہوٹی نوں لہو لہان کر دتا”
نواحی علاقے وچ گھریلو لڑائی دا اک ہور واقعہ سامنے آیا اے جتھے موبائل فون دے جھگڑے پچھے گھر والے نے گولیاں چلا کے اپنی وہوٹی نوں ڈاہڈا زخمی کر دتا اے۔ ذرائع دے مطابق اے افسوسناک واقعہ غلام حسین کالونی 50 شمالی وچ پیش آیا؛ ملزم عارف اپنی بیوی شاہدہ پروین دا آئی فون ویچنا چاہندا سی، پر جدوں بیوی نے نانہہ کیتی تے گل ودھ گئی۔
ایس تکرار توں بعد شوہر نے فائرنگ کر دتی جس نال شاہدہ زخمی ہو گئی جد کہ ملزم موقعے توں نس گیا۔ خاتون نوں تشویشناک حالت وچ ہسپتال پہنچا دتا گیا اے۔ پولیس نے واقعے دی چھان بین شروع کر دتی اے تے ملزم نوں پھڑن لئی چھاپے مارے جا رہے نیں۔
