“ایران نال گل بات اگے ودھ رہی اے، جے ڈی وینس دا بیان”
امریکی نائب صدر جے ڈی وینس نے آکھیا اے کہ ایران نال گل بات وچ بہتری آ رہی اے، پر صدر ڈونلڈ ٹرمپ نے تہران دی تازہ تجویز نوں منن توں انکار کر دتا اے۔ وائٹ ہاؤس وچ صحافیاں نال گل بات کردے ہوئے جے ڈی وینس دا کہنا سی، “میرا خیال اے کہ اسیں اگے ودھ رہے آں، پر اصل سوال اے وے کہ کی اسیں اونی ترقی کر سکاں گے جیہڑی صدر دی کھچی ہوئی ‘ریڈ لائن’ (آخری حد) اُتے پوری اتر سکے؟”
اوہناں نے مزید آکھیا کہ صدر ٹرمپ دی ریڈ لائن بالکل صاف اے۔ اوہناں نوں ایس گل دا پورا یقین ہونا چاہیدا اے کہ ایہو جہے پکے انتظام کیتے گئے نیں جنہاں پاروں ایران کدی وی ایٹمی ہتھیار حاصل نہ کر سکے۔
