ٹریفک جرمانیاں وچ کمی، ایپ نوں وی اپ ڈیٹ کر دتا گیا اے
ٹریفک جرمانیاں وچ کمی، ٹریفک پولیس دی ایپلی کیشن نوں وی اپ ڈیٹ کر دتا گیا اے۔
اج توں کمرشل گڈیاں نوں وی ٹریفک قانوناں دی خلاف ورزی تے چالان ٹکٹ جاری ہون گے، موبائل فون دا استعمال، لین لائن، ٹریفک دے بہاؤ وچ خلل، پریشر ہارن تے ہور خلاف ورزیاں تے جرمانہ اک ہزار ہوئے گا۔
بغیر ہیلمٹ، ون وے دی خلاف ورزی تے بغیر لائسنس موٹرسائیکل چلاون تے جرمانہ دو ہزار ای ہوئے گا، دو ہزار سی سی کار ڈرائیوراں نوں لین لائن تے دو ہزار جدکہ ٹریفک سگنل دی خلاف ورزی تے 3 ہزار جرمانہ ہوئے گا۔
بغیر لائسنس کمرشل گڈی چلاون تے ٹریفک سگنل دی خلاف ورزی تے پنج ہزار جرمانہ ہوئے گا، دھواں چھڈن تے موٹرسائیکل تے رکشے نوں دو ہزار، کار نوں تن ہزار جدکہ کمرشل گڈیاں نوں پنج ہزار جرمانہ ہوئے گا۔
کار، موٹرسائیکل تے کمرشل گڈیاں دیاں وکھ وکھ ٹریفک خلاف ورزیاں دے جرمانے گھٹ کر دتے گئے نیں۔
