یو اے ای ایران مخالف کارروائیاں وچ سِدھا ملوث سی: عباس عراقچی
ایرانی وزیر خارجہ سید عباس عراقچی نے آکھیا اے کہ یو اے ای ایران مخالف کارروائیاں وچ سِدھا (براہِ راست) ملوث سی۔ ایرانی خبر ایجنسی دے مطابق اک بیان وچ ایرانی وزیر خارجہ نے آکھیا کہ میں یکجہتی دی خاطر متحدہ عرب امارات دا ناں نہیں لیا سی۔
عباس عراقچی نے آکھیا کہ جدوں ایران تے حملے شروع ہوئے تاں متحدہ عرب امارات نے مذمت تیکر نہیں کیتی، ایران دے بارے وچ یو اے ای اپنی پالیسی تے نظرِ ثانی کرے۔
واضح رہے کہ پچھلے دیہاڑے اک بیان وچ مشیرِ اماراتی صدر انور قرقاش نے آکھیا سی کہ امارات نے کدی جنگ نہیں چاہی تے ایہنوں روکن لئی مخلصانہ کوششاں کیتیاں۔
اپنے بیان وچ اماراتی صدر دے مشیر دا کہنا سی کہ متحدہ عرب امارات نے سیاسی حل تے مذاکرات دی اہمیت نوں دہرایا، انور قرقاش نے آکھیا کہ خلیج وچ عرب ایران تعلقات نوں آمنے سامنے دی لڑائی تے ٹکراؤ تے نہیں رکھیا جا سکدا۔
