منشیات فروش پنکی دے لہور وچ نیٹ ورک بارے انکشافات
منشیات فروش پنکی دے لاہور وچ نیٹ ورک بارے انکشافات منظرِ عام تے آ گئے نیں۔ ذرائع دے مطابق مئی 2024 وچ پولیس نے منشیات فروش جارڈن گینگ نوں پھڑیا سی، گرفتار جارڈن گینگ دے کارندیاں دی نشاندہی تے پنکی نوں وی حراست وچ لیا گیا سی۔
حراست دے دوران ملزمہ پنکی نے سابق پولیس انسپکٹر نال تعلقات بنا لئے، زیرِ حراست پنکی نے سابق پولیس انسپکٹر نوں بھاری رشوت دتی جس تے اوہنوں چھڈ دتا گیا سی۔ ذرائع دے مطابق ملزمہ نے بعد وچ منشیات فروشی لئی اپنا نیٹ ورک بنا لیا، پنکی اپنے مبینہ شوہر (سابق پولیس انسپکٹر) دی مدد نال گرفتاری توں بچدی رہی۔
ملزمہ اپنے بھرا ریاض بلوچ تے ہور ساتھیاں دی مدد نال منشیات سپلائی کردی سی، ریکارڈ توں بچن لئی مبینہ طور تے اپنے فنگر پرنٹس (انگلاں دے نشان) تیزاب نال مٹا چکی اے۔
