آسٹریلیا دا دورہ پاکستان: 3 ون ڈے میچاں دی سیریز لئی میچ آفیشلز دا اعلان
پاکستان تے آسٹریلیا دے وچکار 3 ون ڈے انٹرنیشنل میچاں دی سیریز لئی میچ آفیشلز دا اعلان کر دتا گیا اے۔ پاکستان تے آسٹریلیا دے وچکار ون ڈے انٹرنیشنل سیریز 30 مئی توں 4 جون تیکر راولپنڈی تے لاہور وچ کھیڈی جائے گی۔
سری لنکا دے گریم لا بروئے تِناں ون ڈے انٹرنیشنل میچاں وچ میچ ریفری دے فرائض انجام دین گے۔ آئی سی سی ایلیٹ پینل دے احسن رضا، رچرڈ کیٹلبرو تے کمار دھرماسینا سیریز وچ آن فیلڈ امپائرنگ کرن گے۔
راولپنڈی وچ 30 مئی نوں پہلے ون ڈے انٹرنیشنل میچ وچ کمار دھرماسینا دے نال آصف یعقوب آن فیلڈ امپائر ہون گے، جیہڑے آئی سی سی ایمرجنگ امپائرز پینل دا حصہ نیں۔
لاہور دے قذافی اسٹیڈیم وچ 2 جون نوں دوجے ون ڈے انٹرنیشنل میچ وچ فیصل خان آفریدی تے رچرڈ کیٹلبرو آن فیلڈ امپائرنگ کرن گے۔ فیصل خان آفریدی آئی سی سی انٹرنیشنل پینل آف امپائرز دے رکن نیں۔
لاہور وچ 4 جون نوں تیجے ون ڈے انٹرنیشنل میچ وچ احسن رضا تے کمار دھرماسینا آن فیلڈ امپائرز ہون گے۔ آئی سی سی انٹرنیشنل پینل دے رکن ناصر حسین تیجے ون ڈے انٹرنیشنل میچ وچ فورتھ امپائر دے فرائض انجام دین گے۔
