دوجا ٹی 20: زمبابوے خلاف پاکستان ویمنز ٹیم 67 رنز نال جِت گئی، سیریز وچ 0-2 دی فیصلہ کُن برتری
کراچی: پاکستان ویمنز ٹیم نے 3 میچاں دی سیریز دے دوجے ٹی ٹوئنٹی وچ زمبابوے نوں 67 رنز نال ہرا کے سیریز وچ 0-2 دی فیصلہ کُن برتری حاصل کر لئی اے۔
کراچی وچ کھیلے گئے میچ وچ پاکستان ویمنز نے پہلے بیٹنگ کردیاں ہویاں 4 وکٹاں دے نقصان تے 170 رنز بنائے۔ ایمان فاطمہ نے شاندار بیٹنگ کیتی تے صرف 43 بالاں تے 79 رنز دی اننگز کھیڈی، جدکہ منیبہ علی نے 36 رنز بنائے۔
171 رنز دے ہدف دا پچھا کردیاں زمبابوے دی ویمنز ٹیم مقررہ اووراں وچ 8 وکٹاں گوا کے صرف 103 رنز ای بنا سکی۔ پاکستان ولوں نشرہ سندھو 2 وکٹاں لے کے سب توں کامیاب باؤلر رہیاں۔
ایس جِت دے نال ای پاکستان ویمنز نے 3 میچاں دی سیریز اپنے ناں کر لئی اے۔ یاد رہے کہ سیریز دے پہلے ٹی ٹوئنٹی میچ وچ وی پاکستان نے زمبابوے نوں 153 رنز دے وڈے فرق نال شکست دتی سی۔
