بھارتی ریاست منی پور وچ مسیحی آگوواں اُتے حملہ، عیسائی تنظیم دے صدر سمیت 3 رہنما قتل
بھارت دی بدامنی دا شکار ریاست منی پور وچ عیسائی تنظیم دے صدر سمیت ترے (3) مذہبی آگوواں نوں قتل کر دتا گیا اے۔ بھارتی میڈیا دے مطابق منی پور وچ گھات لا کے عیسائی آگوواں اُتے حملہ کیتا گیا، ایس حملے وچ کئی بندے زخمی وی ہوئے نیں۔ بھارتی میڈیا دا کہنا اے کہ حملے وچ عیسائی تنظیم دے صدر سمیت 3 مذہبی رہنما مارے گئے۔ عیسائی آگوواں اُتے قاتلانہ حملے دے خلاف منی پور وچ مقامی تنظیموں ولوں احتجاج کیتا گیا، جس پاروں ریاست وچ کاروباری مرکز، سرکاری دفتر تے سکول بند رہے۔ یاد رہے کہ کجھ دن پہلاں منی پور وچ علیحدگی پسنداں نے آسام رائفلز دے کیمپ اُتے قبضہ کر لیا سی جیدی ویڈیو وی سوشل میڈیا اُتے وائرل ہوئی سی۔
