بنگلادیش دے خلاف پہلے ٹیسٹ وچ سلو اوور ریٹ پاروں پاکستان ٹیم نوں جرمانہ

بنگلا دیش دے خلاف پہلے ٹیسٹ میچ وچ پاکستان کرکٹ ٹیم نوں سلو اوور ریٹ پاروں جرمانہ کر دتا گیا اے۔ سلو اوور ریٹ دی وجہ توں پاکستان ٹیم نے آئی سی سی ٹیسٹ چیمپئن شپ دے 8 پوائنٹس وی گوا دتے نیں، اک اوور دی کمی اُتے اک پوائنٹ دی کٹوتی کیتی گئی اے۔ پاکستان ٹیم دا بنگلا دیش دے خلاف میرپور ڈھاکا ٹیسٹ وچ سلو اوور ریٹ رہیا۔ آئی سی سی دے مطابق پاکستان ٹیم نے ٹارگٹ توں 8 اوورز گھٹ کیتے۔ واضح رہوے کہ پہلے ٹیسٹ میچ وچ بنگلا دیش نے پاکستان ٹیم نوں 104 رنز توں ہرا دتا سی۔ پاکستان تے بنگلا دیش دیاں ٹیماں دے وچکار دوجا ٹیسٹ میچ کل توں سلہٹ وچ شروع ہوئے گا، 2 ٹیسٹ میچاں دی سیریز وچ بنگلا دیش نوں اک صفر توں برتری حاصل اے۔