علم دا گہوارہ مویشیاں دا باڑا بن گیا؛ سرکاری سکول دے گیٹ نیڑے لوکاں نے ڈنگر بنھ دتے

سکول دے مرکزی گیٹ اُتے ڈنگر کھڑے ہون پاروں طالبات نوں آؤن جان وچ وڈی مشکل دا سامنا کرنا پے رہا اے۔ پریکٹیکل امتحان دین لئی آؤن والیاں بچیاں لئی سکول دے اندر وڑنا اوکھا ہو گیا اے۔ والدین دا کہنا اے کہ جانور بنھن دی وجہ توں پریکٹیکل دے پیپر لئی آؤن والیاں طالبات لئی سکول دی انٹری بڑی تکلیف دہ اے، جانوراں دے گوبر نال سکول دا مرکزی راہ بند ہو چکیا اے تے ہر پاسے تعفن (بدبو) پھیل رہی اے۔

سکول انتظامیہ دا کہنا اے کہ وار وار کہن دے باوجود علاقے دے لوک مرکزی گیٹ توں جانور نہیں ہٹا رہے، ضلعی انتظامیہ فوری طور تے ایس معاملے دا نوٹس لوے تے سکول دا گیٹ کلیئر کروائے تاں جے بچیاں دا تعلیمی نقصان نہ ہووے۔