ٹرمپ نال چین جان والے عملے نے امریکا واپسی توں پہلاں چینی حکام دیاں دتیاں ساریاں چیزاں اوتھے ای سٹ دتیاں
امریکی صدر ڈونلڈ ٹرمپ دے نال چین دے دورے تے جان والے امریکی عملے نے اوتھوں واپسی توں پہلاں چینی حکام ولوں دتی گئی ہر شے اوتھے ای سٹ دتی۔
امریکی وفد وچ شامل صحافی ‘ایملی گڈان’ نے چین توں روانگی ویلے اپنی سوشل میڈیا پوسٹ وچ لکھیا کہ ‘ایئرفورس ون’ (صدارتی جہاز) وچ سوار ہون توں پہلاں امریکی عملے نے چینی حکام دے دتے ہوئے شناختی کارڈز، عارضی برنر فونز تے ہور ساریاں چیزاں کٹھیاں کر کے اوتھے ای سیڑھیاں تھلے پئے اک ڈبے وچ سٹ دتیاں۔ چین ولوں دتی گئی کسی وی شے نوں جہاز دے اندر لجان دی اجازت نہیں دتی گئی۔
یاد رہے کہ صدر ٹرمپ دے دورے دے دوران امریکی وفد دے ارکان اپنی ذاتی ڈیوائسز (فون یا لیپ ٹاپ) وی نال نہیں سن لے کے گئے۔ امریکی میڈیا رپورٹاں مطابق کئی ارکان تے اپنے فون تے لیپ ٹاپ نال ای نہیں سن لیائے، کیونکہ امریکی حکام نوں ڈر سی کہ کتے کوئی چینی سکیورٹی سسٹم اوہناں دے ذاتی فوناں یا لیپ ٹاپاں دی جاسوسی نہ کر لے۔
