نور پور تھل: گھریلو جھگڑے تے میاں بیوی نے زہریلیان گولیاں کھا کے اپنی زندگی دا انت کر لیا
گھریلو جھگڑے تے پلاٹ دے رولے تے میاں بیوی نے مبینہ طور تے زہریلیان گولیاں کھا کے اپنی زندگی مکا لئی۔
پولیس دے مطابق ایہہ افسوسناک واقعہ نور پور تھل دے علاقے پیلو وینس وچ پیش آیا، جتھے 21 سال دے ساجد تے اوہدی 19 سال دی زنانی کنزہ نے گھریلو ناچاقی تے پلاٹ دے رولے توں دلبرداشتہ ہو کے زہریلیان گولیاں کھا لیاں۔
ریسکیو والیاں نے اطلاع ملن تے موقعے تے پہنچ کے دوہاں دیاں لاشاں نوں تحصیل ہیڈکوارٹر (ٹی ایچ کیو) ہسپتال منتقل کر دتا اے۔ پولیس دا کہنا اے کہ مڈھلی تفتیش دے مطابق میاں بیوی دے وچکار گھریلو ان بن تے پلاٹ دا تنازع ای خودکشی دی وجہ بنیا اے۔ واقعے دی ہور تفتیش کیتی جا رہی اے۔
