پاکستان ویمنز ٹیم نے زمبابوے خلاف ٹی ٹوئنٹی سیریز 0-3 توں جت لئی۔

پاکستان ویمنز ٹیم نے زمبابوے خلاف ٹی ٹوئنٹی سیریز 0-3 توں جت لئی۔ پاکستان ویمنز ٹیم نے تیسرے ٹی20 وچ زمبابوے نوں 133 رنز توں ہرا دتا۔

جمعے نوں کراچی دے نیشنل اسٹیڈیم وچ کھیلے جان والے میچ وچ 224 رنز دے پچھے بھجدیاں زمبابوے دی ویمنز ٹیم 90 رنز بنا کے آؤٹ ہو گئی۔ سعدیہ اقبال نے 3 تے نشرح سندھو نے 2 وکٹاں لئیاں۔

ایس توں پہلاں پاکستان ویمنز کرکٹ ٹیم دی کپتان فاطمہ ثنا نے زمبابوے خلاف تیسرے ٹی20 میچ وچ اک شاندار پرفارمنس دا مظاہرہ کردیاں تیز ترین ادھی سنچری (نصف سنچری) دا نواں ریکارڈ بنا چھڈیا۔

فاطمہ ثنا نے صرف 19 گیندان توں 62 ناٹ آؤٹ سکور کر کے اپنی ٹیم نوں زمبابوے خلاف 223 رنز دے وڈے مجموعے تیکر اپڑا دتا۔ ثنا دی ایہہ زوردار اننگز خواتین ٹی20 وچ سب توں تیز ادھی سنچری دے طور تے بھی ریکارڈ ہوئی جیہدے وچ 10 چوکے تے 2 چھکے شامل سن۔

میچ دے آخری اووراں وچ پاکستان دی اننگز دا نقشہ بدل گیا۔ سائرہ جبین نے بھی کپتان ثنا دا بھرپور ساتھ دیندیاں 32 گیندان توں ناقابلِ شکست 50 رنز بنا کے اپنی ٹیم نوں اک وڈے سکور تیکر اپڑان وچ مدد دتی۔