اپنی آبائی زمیناں اُتے واپسی دے منتظر فلسطینی اج یومِ نکبہ منا رہے نیں
دنیا بھر وچ موجود لکھاں فلسطینی اج یومِ نکبہ منا رہے نیں۔
یومِ نکبہ 1948 دی جنگ تے اسرائیل دے قیام دے دوران تقریباً ساڑھے 7 لکھ فلسطینیوں دی اوہناں دی آبائی زمیناں تے گھراں توں جبری بے دخلی تے ہجرت دی یاد وچ منایا جاندا اے۔
فلسطینی ایس بے دخلی تے ایس دوران ہون والے قتلِ عام نوں ایک وڈے المیے نال تعبیر کردے نیں تے نکبہ دا مطلب وی یہی اے۔ یومِ نکبہ ہر ورھے 15 مئی نوں منایا جاندا اے۔
تاریخی اندازیاں دے مطابق 1947 توں 1949 دے دوران تقریباً 7 لکھ 50 ہزار فلسطینی، جیہڑے اس ویلے دی آبادی دا ایک تہائی سن، اپنے گھراں توں کڈ دتے گئے، جدکہ 400 توں ودھ پنڈ تے شہری علاقے خالی کروائے گئے یا تباہ کر دتے گئے۔
اج وی لکھاں فلسطینی مہاجرین مغربی کنارے، غزہ، اردن، لبنان تے شام دے کیمپاں وچ مقیم نیں، تے اپنے گھراں دیاں چابیاں تے دستاویزاں سانبھ کے رکھدے نیں جیہڑیاں اوہناں دی واپسی دی امید دی علامت نیں۔
ایس ورھے یومِ نکبہ ایسے ویلے منایا جا رہا اے جدوں غزہ وچ اسرائیلی جنگ پاروں 20 لکھ توں ودھ بندے بے گھر ہو چکے نیں تے ایک محدود علاقے وچ گھیرے ہوئے نیں۔
