مقبوضہ کشمیر دے سابق وزیر اعلیٰ فاروق عبداللہ دی پاکستان نال مذاکرات لئی آر ایس ایس رہنما دے بیان دی حمایت

مقبوضہ کشمیر دے سابق وزیر اعلیٰ فاروق عبداللہ نے پاکستان نال مذاکرات لئی بھارتی انتہاپسند جماعت آر ایس ایس تے سابق بھارتی آرمی چیف دے بیاناں دی حمایت کر دتی۔

مقبوضہ کشمیر دے سابق وزیر اعلیٰ فاروق عبداللہ نے اپنے ایک بیان وچ پاکستان نال مذاکرات لئی آر ایس ایس تے سابق بھارتی آرمی چیف دے بیاناں نوں خوش آئند قرار دے دتا۔

اوہناں نے آکھیا کہ کسے نوں تے خیال آیا کہ جنگ کوئی آپشن نہیں، مذاکرات نال ہی مسئلیاں دا حل کڈیا جا سکدا اے۔

2 روز پہلے آر ایس ایس دے سیکرٹری جنرل “دتاتریہ ہوسابالے” نے آکھیا سی بھارت نوں ہمیشہ پاکستان نال مذاکرات لئی تیار رہنا چاہیدا اے، بات چیت دے بوہے بند نہیں کرنے چاہیدے۔