ریلوےروڈ تے فائرنگ 2 بھائی ہلاک

گوجر خان دے علاقے ریلوے روڈ تے فائرنگ نال 2 بھائی جاں بحق (ہلاک) ہو گئے نیں۔

پولیس حکام نے دسیا اے کہ تھانہ گوجر خان دی حد وچ جاں بحق ہون والے بھائیاں دی پچھان محبوب تے محمود دے ناں توں ہوئی اے۔

روزنامہ “جنگ” دے مطابق سی پی او راولپنڈی خالد ہمدانی نے فائرنگ دے ایس واقعے تے ایس پی صدر توں رپورٹ منگ لئی اے، جدوں کہ ایس ایس پی آپریشنز تے اے ایس پی گوجر خان موقعے تے پہنچ گئے۔

پولیس حکام دے مطابق مڈھلی (ابتدائی) تفتیش توں پتہ لگا اے کہ مقتول بھائیاں نے ملزمان دے خلاف روڈ حادثے (ایکسیڈنٹ) دا پرچہ (مقدمہ) درج کروایا سی۔ مڈھلی تفتیش دے مطابق ملزمان نے اسے پرانی رنجش پاروں بھائیاں تے فائرنگ کیتی، واقعے دی تفتیش جاری اے تے موقعے توں ثبوت (شواہد) اکٹھے کر لئے گئے نیں۔