پورے ملک وچ مارکیٹاں تے شاپنگ مالز کاروباری ویلے دی پابندی توں آزاد دکاناں کھلیاں رکھن دی کھُل مل گئی

پورے دیس وچ مارکیٹاں، بازاراں تے شاپنگ مالز نوں کاروباری ویلے دی پابندی توں عارضی طور تے آزاد (مستثنیٰ) کر دتا گیا اے۔

کابینہ ڈویژن ولوں جاری کیتے گئے نوٹیفکیشن دے مطابق، وفاقی دارالحکومت (اسلام آباد) وچ ساریاں دکاناں، بازار تے شاپنگ مالز 31 مئی تک ویلے دی پابندی توں آزاد رہن گے۔ نوٹیفکیشن وچ دَسیا گیا اے کہ بیکریاں، تندور، ریسٹورنٹ تے کریانے دیاں دکاناں وی ایس پابندی توں باہر ہون گیاں، جدکہ ایس فیصلے تے فوراً عمل کیتا جاوے گا۔

کابینہ ڈویژن دے مطابق، وزیراعظم دی منظوری نال کاروباری کماں کاراں وچ سوکھ (سہولت) پیدا کرن لئی ایہہ وڈا قدم چُکیا گیا اے۔ ایس نوٹیفکیشن دے تحت اسلام آباد وچ سارے بازار تے مارکیٹاں ہفتے دے ستے دن کھلیاں رہ سکدیاں نیں۔