پی ٹی آئی نے گھر دی گل باہر رکھی اعظم نذیر تارڑ

وفاقی وزیر قانون سینیٹر اعظم نذیر تارڑ نے آکھیا اے کہ سپریم کورٹ وچ جمع کرائی گئی رپورٹ توں بعد سانوں قیاس آرائیاں توں پرہیز کرنا چاہیدا اے۔

’’جنگ‘‘ دے مطابق سینیٹ اجلاس نال خطاب وچ اعظم نذیر تارڑ نے آکھیا کہ پی ٹی آئی نے گھر دی گل باہر رکھی، اوہناں نوں جے سیکیورٹی دی لوڑ اے تے اسیں اوہناں نوں بہتر سیکیورٹی وچ رکھاں گے۔ پی ٹی آئی والے گل بین الاقوامی انسانی حقوق دی کمیٹی دے ساہمنے لے گئے، میں اپنے خرچے تے اوتھے گیا تے دو گھنٹے سارے سوالاں دے جواب دتے۔ 15 مختلف ملکاں دے سابق پارلیمان ایس وچ موجود نے، سپریم کورٹ وچ جمع کرائی گئی رپورٹ توں بعد سانوں قیاس آرائیاں توں بچنا چاہیدا اے۔

اجلاس دے دوران سینیٹر فلک ناز چترالی نے ایوان وچ کورم دی نشاندہی کیتی، جس توں بعد سینیٹ دا اجلاس بدھ دی سویر 11 بجے تیکر ملتوی کر دتا گیا۔