“آسٹریلیا دے خلاف ون ڈے سیریز لئی پاکستانی ٹیم وچ وڈیاں تبدیلیاں دا امکان”
لاہور: آسٹریلیا دے خلاف ون ڈے سیریز لئی قومی ٹیم دی چون (انتخاب) اتے آخری صلاح مشورہ پورا کر لیا گیا اے۔
ذرائع دے مطابق، بنگلا دیش دے خلاف کھیڈن والے ون ڈے اسکواڈ وچ کئی تبدیلیاں دا امکان اے۔ بابر اعظم دی آسٹریلیا دے خلاف ون ڈے اسکواڈ وچ واپسی ہون دی امید اے۔ ایس توں علاوہ فخر زمان، سفیان مقیم تے حنین شاہ نوں بھی ٹیم وچ شامل کیتے جان دا امکان اے۔
ذرائع دا کہنا اے کہ فہیم اشرف تے حسین طلعت لئی قومی ٹیم وچ اپنی جگہ برقرار رکھنا اوکھا نظر آ رہا اے، جدکہ محمد رضوان دے بارے ہلے گل بات چل رہی اے۔
واضح رہے کہ آسٹریلیا دی ٹیم 23 مئی نوں اسلام آباد پہنچ رہی اے، تے پاکستان ٹیم 22 مئی توں راولپنڈی وچ ٹریننگ شروع کرے گی، جیدے وچ اک پریکٹس میچ بھی کھیڈیا جائے گا۔ شاہیناں تے کینگروز دے وچکار ون ڈے سیریز دے میچ 30 مئی، 2 جون تے 4 جون نوں کھیڈے جان گے۔
