“شاید ملتان دی گرمی کجھ لوکاں لئی ناقابلِ برداشت ہو چکی اے تے 45 دا ہندسہ موسیٰ گیلانی لئی خوش قسمت ثابت نہیں ہو رہا، مہربانو قریشی۔”

“پاکستان تحریک انصاف دے سینئر رہنما شاہ محمود قریشی دی دھی مہربانو قریشی نے تگڈی گرمی تے 45 ڈگری سینٹی گریڈ درجہ حرارت دے حوالے نال سیاسی طنز کردیاں آکھیا اے کہ شاید ملتان دی گرمی کجھ لوکاں لئی ناقابلِ برداشت ہو چکی اے تے ’’45‘‘ دا ہندسہ نوجوان موسیٰ گیلانی لئی خوش قسمت ثابت نہیں ہو رہا۔ اپنے ایکس (ٹویٹر) بیان وچ اوہناں نے آکھیا کہ موسیٰ گیلانی نے 8 فروری 2024 دے عام چناؤ (انتخابات) وچ این اے 151 دی سیٹ ہاری سی، پر فارم 45 وچ ہیر پھیر کر کے 41 پولنگ اسٹیشناں دے نتیجے بدلے گئے۔ ایس بارے الیکشن ٹریبونل وچ کیس چل رہا اے پر موسیٰ گیلانی دے وکیل پیشیاں تے حاضر نہیں ہوندے۔ عمران خان نوں موسیٰ گیلانی دے خلاف الیکشن لڑن دی کوئی لوڑ نہیں، کیونکہ جے صاف تے شفاف الیکشن ہون تے اوہناں نوں کسے بھی ویلے ہرایا جا سکدا اے۔”