تحریک انصاف دے چیئرمین عمران خان دے ماضی دے سب توں نیڑےسنگی نے اوہناں نوں فرعون آکھ دتا اے

“چیئرمین پاکستان تحریک انصاف پارلیمنٹیرین پرویز خٹک نے عمران خان نوں ‘فرعون’ آکھ دتا اے۔ مانسہرہ وچ جلسے نال خطاب کردیاں سابق وزیراعلیٰ خیبر پختونخوا پرویز خٹک دا کہنا سی کہ ساڈی مرکز تے صوبے وچ حکومت رہی پر افسوس اسیں نواں پاکستان نہ بنا سکے، تحریک انصاف نے ساڑھے تن سال ملک لئی کجھ نہیں کیتا۔ اوہناں آکھیا کہ چیئرمین پی ٹی آئی ملک دا تاحیات حکمران تے بادشاہ بننا چاہندا سی، اوہدی کم کرن دی نیت ہی نہیں سی، اوہ فرعون سی جیہڑا کہندا سی کہ جس دا دل کرے چلا جائے مینوں کوئی پرواہ نہیں۔ پرویز خٹک نے ہور آکھیا کہ خیبر پختونخوا وچ حکومت صرف میری ذاتی کوششاں نال بنی سی تے ایس وچ چیئرمین پی ٹی آئی دا کوئی کریڈٹ نہیں سی۔ چیتے رہے کہ پرویز خٹک نے سانحہ 9 مئی توں بعد پی ٹی آئی چھڈن دا اعلان کیتا سی، ایس توں پہلاں اوہ پی ٹی آئی حکومت وچ وزیراعلیٰ کے پی تے وفاق وچ وزیر دفاع رہ چکے نیں۔”