جسٹس وقار سیٹھ دے خلاف نازیبا زبان تے وزیراعظم وزیر قنون نوں توہین عدالت دا نوٹس
پشاور ہائی کورٹ نے سابق آرمی چیف پرویز مشرف سنگین غداری کیس وچ خصوصی عدالت دے جج تے پشاور ہائی کورٹ دے چیف جسٹس وقار احمد سیٹھ دے خلاف نازیبا لفظاں دا استعمال کرن تے توہین عدالت دے نوٹسز جاری کر دتے۔ پشاور ہائی کورٹ نے وفاقی حکومت دے خلاف دائر توہین عدالت دی درخواست سماعت لئی منظور کر لئی۔ عدالت نے وزیراعظم عمران خان، وزیر قنون، وزیر سائنس ٹیکنالوجی فواد چودھری، سابق مشیر اطلاعات فردوس عاشق اعوان تے پیمرا نوں توہین عدالت دے نوٹس جاری کر دتے۔ عدالت نے خصوصی عدالت دے جج دے خلاف نازیبا الفاظ استعمال کرن تے 14دناں وچ جواب طلب کیتا۔
