چیک باؤنس کیس؛ سپریم کورٹ نے تحریری معاہدہ نہ ہون اُتے ملزم دی عبوری ضمانت کنفرم کر دتی
سپریم کورٹ لاہور رجسٹری نے تحریری معاہدہ نہ ہون اُتے چیک باؤنس کیس وچ ملزم دی عبوری ضمانت کنفرم کر دتی اے۔
نجی ٹی وی چینل ‘جیو نیوز’ دے مطابق، سپریم کورٹ لاہور رجسٹری وچ جسٹس محمد ہاشم خان دی سربراہی وچ 3 رکنی بنچ نے ایس کیس دی سماعت کیتی۔
درخواست گزار دے وکیل نے عدالت نوں دَسیا کہ تھانہ سٹی خانیوال نے ملزم محمد فیصل دے خلاف 60 لاکھ روپے دا چیک باؤنس ہون دا مقدمہ درج کیتا اے۔ اوہناں آکھیا کہ اصل وچ مدعی دا کجھ دوستاں دے نال لین دین دا جھیڑا (تنازع) سی، جیہدی صلح لئی ملزم نے بطور گارنٹی اپنا چیک دتا سی۔ پر مدعی نے کہانی بدل کے چیک دا غلط استعمال کیتا تے ملزم دے خلاف مقدمہ درج کروا دتا۔
