وفاقی آئینی عدالت؛ علی امین گنڈاپور دی بطور وزیراعلیٰ خیبرپختونخوا بحالی دی درخواست دائر

وفاقی آئینی عدالت وچ علی امین گنڈاپور دی بطور وزیراعلیٰ خیبرپختونخوا بحالی دی درخواست دائر کر دتی گئی۔

نجی ٹی وی چینل ‘دنیا نیوز’ دے مطابق، ایہ درخواست شیر افضل مروت ولوں دائر کیتی گئی اے، جیہدے وچ علی امین گنڈاپور دا استعفیٰ غیر آئینی تے کالعدم قرار دین دی استدعا (اپیل) کیتی گئی اے۔

درخواست وچ موقف اپنایا گیا اے کہ علی امین گنڈاپور نوں ڈی نوٹیفائی کرنا غیر قانونی تے آئین دے خلاف اے۔ علی امین گنڈاپور دا استعفیٰ اک سزا یافتہ تے نااہل فردِ واحد دی ڈکٹیشن (حکم) اُتے لیا گیا سی۔ درخواست وچ عدالت توں اپیل کیتی گئی اے کہ علی امین گنڈاپور نوں دوبارہ وزیراعلیٰ خیبرپختونخوا بحال کیتا جاوے۔