یونیورسٹی آف ہیلتھ سائنسز دا 2 ارب 13 کروڑ روپے دا بجٹ منظور

مالی سال 27-2026 دے بجٹ دی منظوری بورڈ آف گورنرز دے اجلاس وچ دتی گئی، اجلاس دی صدارت فرخندہ وسیم افضل نے کیتی۔

وائس چانسلر پروفیسر احسن وحید راٹھور نے ترقیاتی کماں دی رپورٹ پیش کیتی، آؤن والے مالی سال لئی آمدن دا تخمینہ 4 ارب 40 کروڑ روپے رکھیا گیا اے۔

بجٹ وچ امتحاناں دے انعقاد لئی 50 کروڑ روپے مختص کیتے گئے، ملازمین تے عملے دیاں تنخواہواں دی مد وچ 92 کروڑ روپے رکھے گئے نیں۔

آپریٹنگ اخراجات لئی 34 کروڑ 20 لکھ روپے رکھے گئے نیں، ریسرچ دی مد وچ 9 کروڑ 68 لکھ روپے رکھے گئے نیں_

سالانہ ترقیاتی منصوبے لئی 13 کروڑ 33 لکھ توں ودھ دی رقم رکھی گئی اے، وظائف لئی 2 کروڑ 10 لکھ روپے مختص کیتے گئے نیں_

کمپیوٹر آلات تے انفارمیشن ٹیکنالوجی لئی 3 کروڑ 15 لکھ روپے رکھے گئے نیں، ریسرچ کیمیکلز تے لیبارٹری مواد لئی 2 کروڑ روپے رکھے گئے نیں_