ملکی معیشت کتھے کھلوتی اے؟ وڈے مالیاتی اداریاں نے معاشی خاکہ جاری کر دتا

سٹیٹ بینک، پاکستان سٹاک ایکسچینج، ایف بی آر (FBR)، نیپرا، تے ادارہ شماریات دے اعداد و شمار نے معاشی سمت واضح کر دتی اے۔

اعداد و شمار دے مطابق ملکی زرمبادلہ، صنعتی سرگرمیاں، سیمنٹ تے آٹو سیکٹر مضبوط ہوئے نیں، پر حکومتی قرضے تے مہنگائی وچ اضافہ ہویا اے، کرنٹ اکاؤنٹ، برآمدات (ایکسپورٹ) تے غیر ملکی سرمایہ کاری دی کمی پاروں معاشی تشویش ودھ گئی اے۔

ملکی آٹو سیکٹر وچ بہتری آئی اے، گڈیاں (گاڑیوں) دی سالانہ فروخت 106.9 فیصد تے ٹریکٹراں دی فروخت 76.3 فیصد ودھ گئی اے۔ آٹو فنانسنگ دا حجم 36.6 فیصد ودھ کے 360 ارب روپے تے اپڑ (پہنچ) گیا اے۔

رپورٹ دے مطابق ملک بھر وچ کھاد دی فروخت ودھ گئی اے، زرعی طلب پاروں سالانہ کھاد دی فروخت 84.7 فیصد رہی، پٹرولیم قیمتاں وچ اضافے نال مہنگائی دی شرح ودھ کے 11.1 فیصد تے اپڑ گئی اے۔