لہور وچ چالان دا ٹارگٹ پورا کرن لئی ٹریفک پولیس دا انوکھا اقدام

لاہور وچ ٹریفک پولیس ولوں چالان دا ٹارگٹ پورا کرن لئی کیتے گئے اقدام نے شہریاں نوں شدید مشکلاں وچ پا دتا۔

ذرائع دا کہنا اے کہ کینال روڈ تے مال روڈ انڈر پاس دے نیڑے ٹریفک پولیس نے بیریئر لا کے گڈیاں تے موٹر سائیکل سواراں نوں روکنا شروع کر دتا۔

ٹریفک دی روانی متاثر ہون دی وجہ توں کینال روڈ تے گڈیاں دیاں لمیاں قطاراں لگ گئیاں تے شہری گھنٹیاں بدھی ٹریفک وچ پھسے رہے، دفتراں جان والے لوکاں نوں شدید پریشانی دا سامنا کرنا پیا، جدکہ کئی شہریاں نے ٹریفک پولیس دے اس اقدام تے سخت غصے (ردعمل) دا اظہار کیتا اے۔ شہریاں دا کہنا اے کہ اچانک بیریئر لان نال نہ صرف ٹریفک دا نظام درہم برہم ہویا بلکہ روزمرہ دے معمولات بھی شدید متاثر ہوئے۔