بجلی دے بل تے کیو آر کوڈ دی اوٹ وچ صارفین دی معلومات چوری ہون دا خطرہ، ایڈوائزری جاری

اسلام آباد: پاور ڈویژن نے بجلی دے بل تے کیو آر کوڈ دی اوٹ وچ صارفین دی معلومات چوری ہون دے خطرے نوں ویکھدے ہوئے ایڈوائزری جاری کر دتی اے۔

پاور ڈویژن دے ترجمان نے صارفین لئی جاری کیتی گئی ایڈوائزری وچ دسیا کہ صارفین نوں اک خاص لنک تے کلک کر کے 4 مرحلیاں وچ معلومات شیئر کرن لئی آکھیا جاندا اے۔ معلومات درج کرن توں بعد صارفین نوں اوسے لنک تے 6 ہندسیاں والا کوڈ درج کرن لئی آکھیا جاندا اے، کچھ عناصر کیو آر کوڈ دا استعمال کر کے اپنے ماڑے مقاصد پورے کرنا چاہندے نیں۔

پاور ڈویژن دے ترجمان دا کہنا اے کہ بل توں علاوہ متعلقہ معلومات کسے ہور پلیٹ فارم تے درج نہیں ہو سکدیاں، معلومات درج کرن دا اے طریقہ کار غلط تے غیر قانونی اے۔

ترجمان پاور ڈویژن دا کہنا اے کہ جرم کرن والے عناصر بارے قانون نافذ کرن والے اداروں نوں دَس دتا گیا اے، بجلی صارفین سبسڈی لئی کسے وی ڈیجیٹل تھاں یا کاغذ تے اپنی معلومات درج نہ کرن۔