وزیراعظم تے فیلڈ مارشل دی قیادت وچ پاک چین دوستی اپنے عروج تے پہنچ چکی اے: رکن پنجاب اسمبلی

رکن پنجاب اسمبلی سارہ احمد دا کہنا اے کہ وزیراعظم شہباز شریف تے فیلڈ مارشل عاصم منیر دی قیادت وچ پاک چین دوستی اپنے عروج تے پہنچ چکی اے۔

ممبر پنجاب صوبائی اسمبلی سارہ احمد نے پاکستانی سیاسی وفد دے نال چین دے دارالحکومت وچ واقع کیپیٹل نارمل یونیورسٹی وچ یوتھ ایکسچینج پینل نال خطاب کردیاں دَسیا کہ فیلڈ مارشل عاصم منیر تے وزیرِاعظم شہباز شریف دی قیادت وچ پاک چین دوستی اپنے عروج تے پہنچ چکی اے۔ پاکستان تے چین دی اگلی شراکت داری یونیورسٹیاں، کھوج (تحقیق)، جدت تے نویں نسل دے تعاون نال ہور مضبوط ہوئے گی۔

سارہ احمد دا کہنا سی کہ اوہ انٹرنیشنل ڈپارٹمنٹ آف کمیونسٹ پارٹی آف چائنا ولوں سدے تے مہمانداری کرن تے دلوں شکریہ ادا کردیاں نے۔ ایہو جہے بین الاقوامی یوتھ ایکسچینج پروگرام نویں نسل نوں اک دوجے دے نیڑے لے آؤن تے آپسی سانجھیوالتا ودھان وچ وڈا کردار ادا کردے نے۔