ببرک شاہ تے وینا ملک اج وی اک دوجے نال جڑے ہوئے نیں، ببرک شاہ دا وڈا انکشاف
ببرک شاہ نے انکشاف کیتا کہ دوویں اج وی اک سانجھی جائیداد (پراپرٹی) دی وجہ توں اک دوجے نال جڑے ہوئے نیں.
پاکستان شوبز انڈسٹری دے سٹار ببرک شاہ تے وینا ملک دی محبت دی کہانی اک ویلے وچ پاکستانی فلم انڈسٹری دیاں سبھ توں ودھ چرچے وچ رہن والیاں داستاناں وچ گنی جاندی سی.
دوواں نے اپنے فلمی کیریئر دا آغاز اکٹھے کیتا تے فلم “محبتاں سچیاں” وچ اوہناں دی آن اسکرین کیمسٹری نے مداحاں دے دل جت لئے سن، بعد وچ ایہی نیڑتا (قربت) سچی مچی دی زندگی دی محبت وچ بدل گئی.
حال ہی وچ اک پوڈکاسٹ وچ گل بات کردیاں ببرک شاہ نے اپنی تے وینا ملک دی ماضی دیاں یاداں توں پردہ چکیا، اوہناں انکشاف کیتا کہ دوویں اج وی اک سانجھی جائیداد پاروں اک دوجے نال جڑے ہوئے نیں.
ببرک شاہ مطابق، “میں تے وینا ملک نے رل کے اک پلاٹ خریدیا سی جتھے اسیں اپنا گھر بنا رہے سی، ایس پراپرٹی وچ دوواں دا برابر دا حصہ اے، پر گھر پورا ہون توں پہلاں ہی دوواں دے راہ وکھو وکھ (جدا) ہو گئے.”
اداکار نے دسیا کہ وکھ ہون دے باجود وینا ملک نے کدی ایس معاملے وچ میرے لئی کوئی مسئلہ کھڑا نہیں کیتا، جے ایہ پراپرٹی وک جائے تے میں خوش ہواں گا، پر فی الحال دوویں ہن وی ایس سانجھی جائیداد دے مالک نیں.
ببرک شاہ دی ایہ گل بات سوشل میڈیا تے بڑی تیزی نال وائرل ہو رہی اے، جتھے مداح اک واری پھر ماضی دی ایس مشہور محبت دی کہانی نوں یاد کر رہے نیں.
