چقندر دا جوس بلڈ پریشر نوں قابو وچ رکھن لئی سب توں بہترین
چقندر دا جوس تے بلڈ پریشر: روز اک گلاس پین نال دل جوان تے بلڈ پریشر قابو وچ رہے گا، جدید طبی تحقیق
برطانیہ وچ ہون والی اک نویں طبی تحقیق (میڈیکل ریسرچ) وچ دَسیا گیا اے کہ چقندر دے جوس دا اک گلاس روزانہ پینا دل دی صحت نوں تگڑا رکھن لئی جادوئی اثر رکھدا اے۔
برطانیہ دی ایکسٹر (Exeter) یونیورسٹی دی ایس تحقیق مطابق، چقندر دا جوس ‘نائٹریٹ’ نامی جز نال بھَرپور ہوندا اے جیہڑا دل دی صحت نوں ساڈی امید توں بھی زیادہ فائدہ پہنچاندا اے۔
منہ دے بیکٹیریا تے بلڈ پریشر دا تعلق:
تحقیق وچ اک انوکھی گل سامنے آئی اے کہ ایہ جوس منہ وچ موجود بیکٹیریا وچ ایہو جہیاں چنگیاں تبدیلیاں لیاندا اے جس نال بلڈ پریشر گھٹ ہو جاندا اے، خاص طور تے وڈی عمر دے (بزرگ) لوکاں وچ۔
تحقیق وچ کون شامل سی؟ ایس کلینیکل ٹرائل وچ 30 سال توں گھٹ عمر دے 39 نوجوان تے 60 توں 80 سال دے 36 بزرگاں نوں شامل کیتا گیا۔
نائٹریٹ کی اے؟ ایہ اک قدرتی جز اے جیہڑا چقندر توں علاوہ پالک، سونف تے سلاد دے پتیاں وچ وی بوہت زیادہ ہوندا اے۔
کم کیسے کردا اے؟ منہ دے خاص بیکٹیریا ایس نائٹریٹ نوں ‘نائٹرک آکسائیڈ’ وچ بدل دیندے نیں ۔ نائٹرک آکسائیڈ ساڈی صحت لئی بوہت ضروری اے کیونکہ ایہ خون دیاں ناڑاں (شریانوں) نوں کھولدا اے تے بلڈ پریشر نوں کنٹرول کردا اے۔
ٹیسٹ دے نتائج:
رضا کاراں نوں دو دو ہفتیاں لئی چقندر دا اصلی جوس تے فیر بغیر نائٹریٹ والا جوس پلایا گیا، بعد وچ اوہناں دے منہ دے بیکٹیریا دا ڈی این اے (جینوم سیکونسنگ) ٹیسٹ کیتا گیا۔
نتائج توں پتا لگا کہ چقندر دا جوس پین نال بزرگاں دے منہ وچوں نقصان دہ بیکٹیریا گھٹ ہو گئے تے فائدے مند بیکٹیریا ودھ گئے۔ جیہڑے بزرگاں دا بلڈ پریشر ہائی رہندا سی، اوہناں دا بلڈ پریشر نارمل ہو گیا۔ ماہرین مطابق عمر ودھن نال جسم وچ نائٹریٹ گھٹ ہو جاندا اے، ایس لئی چقندر دا جوس پینا وڈی عمر وچ بلڈ پریشر توں بچن دا بہترین علاج اے۔ ایہ ریسرچ مشہور میڈیکل جرنل فری ریڈیکل بائیولوجی اینڈ میڈیسن وچ چھپی اے۔
دل دیاں ناڑاں دی سوزش (ورم) توں نجات:
ایس توں پہلے کوئین میری یونیورسٹی دی اک تحقیق وچ وی دَسیا گیا سی کہ چقندر دا جوس دل دی شریانوں دے مریضاں لئی آبِ حیات اے۔ دل دے مریضاں دیاں ناڑاں وچ اندرونی سوزش (ورم) پکی ڈیرہ جما لیندے اے، جس نال ہارٹ اٹیک (دل دا دورہ) پین دا خطرہ ودھ جاندا اے۔ چقندر دا جوس پین نال خون وچ نائٹرک آکسائیڈ ودھدا اے جیہڑا ایس خطرناک سوزش نوں مکا دیندا اے تے دل دے کروڑاں مریضاں لئی وڈی راحت اے۔
