عالمی منڈی وچ کچے تیل دی قیمت 2 ہفتیاں دی سب توں تھلڑی پدھر تے آ گئی

ایران امریکہ معاہدے دی امید، عالمی منڈی وچ کچا تیل سستا تے پاکستان سٹاک ایکسچینج وچ وڈی تیزی
ایران تے امریکہ وچالے معاہدے دی امید پیدا ہون توں بعد عالمی منڈی وچ کچے تیل (خام تیل) دی قیمت دو ہفتیاں دی سب توں تھلڑی (کم ترین) پدھر تے آ گئی اے۔

باہرلے ملک دی میڈیا رپورٹاں مطابق، برینٹ کروڈ دی قیمت تقریبن 5 ڈالر گھٹ ہو کے 97 ڈالر، ڈبلیو ٹی آئی (WTI) 91 ڈالر تے مربن خام تیل ساڑھے چھ فیصد کمی توں بعد 95 ڈالر فی بیرل تے وک رہیا اے۔

روزنامہ “جنگ” دی رپورٹ مطابق، دوجے پاسے ایشیائی سٹاک مارکیٹ وچ تیزی دیکھی گئی اے، جدکہ پاکستان سٹاک ایکسچینج دے 100 انڈیکس وچ وی 3 ہزار 881 پوائنٹس دا وڈا اضافہ ہویا، جس توں بعد انڈیکس 1 لاکھ 71 ہزار 725 پوائنٹس تے بند ہویا۔