لاڑکانہ: گھر وچ وڑ کے اندھا دھند گولیاں دی بوچھاڑ، 2 سوانیاں سمیت 4 بندے مارے گئے
سندھ گرین کالونی وچ ہتھیا بند (مسلح) بندیاں نے گھر وچ گھس کے فائرنگ کیتی، جس دے نتیجے وچ 2 عورتاں سمیت 4 جنے قتل ہو گئے۔
پولیس حکام دے مطابق فائرنگ نال ماں، دھی (بیٹی) تے دو پتر جاں بحق ہو گئے، جدکہ شوہر تے 4 سال دی نواسی زخمی ہو گئے نیں۔ جاں بحق ہون والیاں وچ 55 سال دی ماں زرینہ، 36 سال دا پتر ضمیر، 28 سال دا پتر روشن علی تے 26 سال دی دھی صائمہ مغیری شامل نیں۔
حکام دا کہنا اے کہ ایہ واقعہ مغیری برادری وچ پرانی دشمنی (دیرینہ تنازع) پاروں پیش آیا، فائرنگ نال گھر دا وڈا (سربراہ) بند علی تے اوہدی 4 سال دی نواسی کجلی مغیری شدید زخمی نیں۔
پولیس حکام دے مطابق مقتول ٹبر (خاندان) اتے مخالف دھر دے اصغر علی نامی بندے دے قتل دا پرچہ (مقدمہ) وی درج سی۔
