اگلے مالی سال وچ 20 لاکھ نوکریاں پیدا کرن دا ہدف متھیا گیا اے۔

اسلام آباد: اگلے مالی سال 27-2026 دے دوران 20 لاکھ نوکریاں (ملازمتیں) پیدا کرن دا ہدف متھیا (مقرر کیتا) گیا اے۔

حکومت دا دعویٰ اے کہ 30 جون نوں مکنے والے ایسے مالی سال دے دوران 18 لاکھ نوکریاں دے موقعے پیدا کیتے گئے۔

سرکاری دساویز (دستاویز) دے مطابق اگلے مالی سال خدمات (سروسز) دے شعبے وچ 11 لاکھ، صنعتی شعبے وچ 5 لاکھ تے زرعی شعبے وچ 4 لاکھ نوکریاں دے موقعے پیدا ہون دی آس (توقع) اے۔ دساویز وچ دَسیا گیا اے کہ روزگار پیدا کرن دا ایہ ودھدا ہویا رجحان چوکھی، جامع تے روزگار تے دھیان دین والی معاشی ترقی (نمو) نوں سہارا دیوے گا۔

وفاقی تے صوبائی پدھر (سطح) تے جاری روزگار پیدا کرن دے پروگرام لیبر مارکیٹ وچ سانجھے داری، کاروبار، تکنیکی مہارتوں تے نوکریاں لئی ٹھیک امیدواراں دے چون (انتخاب) دے پربندھ (نظام) نوں ہور تکڑا کرن گے۔