غیر قانونی فاسفیٹ دی پٹائی نال قومی خزانے نوں 84کروڑ روپے تیکر نقصان اپڑانا انکشاف ہویا اے۔
پشاور: غیر قانونی فاسفیٹ دی پٹائی (کان کنی) نال خزانے نوں 84 کروڑ روپے توں ودھ دا نقصان اپڑان (پہنچانے) دا انکشاف ہویا اے۔
قومی احتساب بیورو (نیب) خیبر پختونخوا دی تفتیش (تحقیقات) وچ پتہ لگیا اے کہ ایبٹ آباد دے علاقے کاکول وچ مبینہ غیر قانونی فاسفیٹ کان کنی پاروں قومی خزانے نوں 74 کروڑ توں 84 کروڑ 80 لاکھ روپے تیکر دا گھاٹا (نقصان) پیا اے، جدکہ قیمتی جنگلاں نوں وی چوکھی مار جھیلنی پئی (شدید نقصان اٹھانا پڑا)۔
نیب ذرائع دے مطابق کاکول دے رہائشی زر گل خان دے خلاف مقامی لوکاں نے شکایت درج کروائی سی کہ اوہ جنگل دی زمین توں غیر قانونی طور تے فاسفیٹ کڈھ کے وکھو وکھ کھاد بنان والے کارخانیاں (کھاد ساز کارخانوں) نوں ویچ رہے نیں۔
شکایت دی مڈھلی پڑتال (ابتدائی جانچ) توں بعد الزام سچے نکلے جیہدے تے نیب نے باقاعدہ تفتیش دا مڈھ رکھیا (آغاز کیا)۔
تفتیش وچ الزام لایا گیا اے کہ 2010 توں 2018 تیکر محکمہ معدنیات دے کجھ اہلکاراں دی مبینہ ملی بھگت نال جنگلاتی علاقے توں لاکھوں روپے مالیت دا فاسفیٹ کڈھیا گیا۔
