میری ماں نے میرے ویاہ نوں تگڑا بناون وچ اپنا حصہ پایا : ندا یاسر
معروف میزبان ندا یاسر نے اپنی 20 سالہ کامیاب ویاہتا زندگی (ازدواجی زندگی) دے بھید (راز) توں پردہ چُکدیاں ہوئیاں انکشاف کیتا اے کہ اوہناں دی امی (والدہ) دی سیانی سوچ نے اوہناں دی شادی نوں تکڑا (مضبوط) بنان وچ وڈا حصہ پایا (اہم کردار ادا کیا)۔
اپنے شو وچ گل بات کردیاں ندا یاسر نے آکھیا کہ شادی دے مڈھلے ورھیاں (ابتدائی برسوں) وچ میں کافی جذباتی سی تے چھیتی غصے وچ آ جاندی سی، جدوں وی یاسر یا سسرال بارے کوئی مسئلہ بننا، میں فوراً اپنی امی کول جا کے رونا دھونا شروع کر دیندی سی۔ ندا یاسر نے دَسیا کہ میری امی بہت سمجھدار سن، اوہ میریاں گلاں چپ چاپ سُن لیندیاں سن پر کدی وی میرے ہنجوواں (آنسوؤں) یا شکویاں نوں بنیاد بنا کے میرے شوہر دے خلاف کوئی رائے قائم نہیں سن کردیاں، اوہ جاندیاں سن کہ غصے وچ انسان بہت کچھ کہہ دیندا اے پر کجھ دناں بعد میاں بیوی دے وچکار صلح وی ہو جاندی اے۔
اوہناں نے ہور آکھیا کہ اکثر انج ہوندا اے کہ دھی (بیٹی) تے اپنے شوہر نال دوبارہ نارمل ہو جاندی اے پر جے ماپے (والدین) سیانف (دانشمندی) دا مظاہرہ نہ کرن تے اوہناں دے دل وچ جوائی (داماد) لئی کھوٹ یا ماڑے جذبات (منفی جذبات) رہ جاندے نیں۔
ندا یاسر نے نویاں ویاہیاں کڑیاں (نوجوان لڑکیوں) نوں متّ (مشورہ) دیندیاں آکھیا کہ جدوں وی دل دُکھے یا غصہ آئے تے فوراً ٹبر (خاندان) دے جیاں نوں وچ پاؤن دی بجائے کسی سیانے تے اعتبار والے بیلی (قابلِ اعتماد دوست) نال گل کر لینی چاہیدی اے۔
اوہناں نے آکھیا کہ کدی کدی بندے نوں صرف دل دا بھار ہلکا کرن دی لوڑ ہوندی اے، کسی چنگے دوست اگے دل دی گل کر لین نال دماغی سکون ملدا اے تے کئی مسئلے آپے (خود بخود) حل ہو جاندے نیں۔
