کراچی: گھر دے اندر نہاندی کڑی دی گلی توں ویڈیو بنان والا ملزم گرفتار
کراچی دے بلدیہ ٹاؤن وچ گھر دے اندر نہاندی کڑی (لڑکی) دی گلی توں ویڈیو بنان والا ملزم پولیس نے گرفتار کر لیا اے۔
نجی ٹی وی چینل ایکسپریس نیوز دے مطابق کراچی دے علاقے بلدیہ ٹاؤن وچ گھر دے اندر نہاندی کڑی دی گلی توں ویڈیو بنان دے سنگین واقعے وچ پولیس نے فوراً کارروائی کردے ہوئے مرکزی ملزم نوں قابو (گرفتار) کر لیا، ایہ کارروائی متاثرہ سوانی (خاتون) ولوں ملن والی شکایت تے کیتی گئی، جس توں بعد واقعے دی پچھ گچھ (تفتیش) شروع کیتی گئی۔
ترجمان ڈی آئی جی ساؤتھ زون کراچی نے دَسیا کہ مڈھلی (ابتدائی) اطلاع ملدے ہی پولیس نے معاملے نوں حساس سمجھدے ہوئے فوراً کارروائی شروع کیتی تے ثبوت (شواہد) اکٹھے کیتے۔ مدعی دے بیان دے مطابق 29 مئی 2026 نوں اوہ اپنے ٹبر (اہل خانہ) دے نال گھر وچ موجود سی کہ اچانک گھر دے اندروں رولے (شور) دی آوازاں آئیاں۔ ایس دوران سوانی نے ٹبر نوں دَسیا کہ اک شکی (مشتبہ) بندہ گلی وچ موجود سی جیہڑا غسل خانے (باتھ روم) دے روشندان دے نیڑے کھلو (کھڑے) کے نہاندے ہوئے مناظر دی ویڈیو بنان دی کوشِش کر رہا سی۔
واقعے دے دوران سوانی نے رولا پا کے محلے والیاں تے گھر والیاں نوں بلایا، جس تے ملزم موقعے توں نسن (فرار ہونے) وچ کامیاب ہو گیا۔ شروع وچ پولیس جڈوں ملزم دے گھر اپڑی (پہنچی) تے اوہ اوتھوں وی نس چکیا سی، پر قانون نافذ کرن والے اداروں نے بھال (تلاش) جاری رکھی۔ بعد وچ ساؤتھ زون پولیس نے تکنیکی تے لُکیاں (خفیہ) معلومات دی بنیاد تے کارروائی کردے ہوئے ملزم نوں نپ (گرفتار) لیا۔ گرفتار بندے دی پچھان صابر ولد قادر دے ناں توں ہوئی اے، جیہنوں اگلی تفتیش لئی حراست وچ لے لیا گیا اے۔
ترجمان دے مطابق ملزم دے خلاف متعلقہ دفعات دے تحت پرچہ (مقدمہ) درج کر لیا گیا اے تے واقعے دی ہور پچھ گچھ جاری اے۔ حکام دا کہنا اے کہ سارے پاسیاں (پہلوؤں) دا جائزہ لیا جا رہا اے تے قانون دے مطابق سخت کارروائی کیتی جائے گی تاں جے اگوں (آئندہ) ایسے واقعات نوں روکیا جا سکے۔
